Андижон вилояти ҳокими Ҳасанбой Дўсматовга уй совға қилди

Бокс бўйича жаҳон чемпиони бўлган боксчига Шуҳрат Абдураҳмонов уч хонали уй совға қилди.

Тошкентда ўтказилган Жаҳон чемпионатида олтин медални қўлга киритган Ҳасанбой Дўсматов Андижон вилояти ҳокимлиги томонидан тақдирланди, дея хабар берди Ўзбекистон Бокс федерацияси Матбуот хизмати.

Қайд этилишича, куни кеча Андижонда ташкил этилган тадбирда Андижон вилояти ҳокими Шуҳрат Абдураҳмонов Ҳасанбой Дўсматовга Андижон шаҳридан уч хонали уй совға қилган.

Эслатиб ўтамиз, Ҳасанбой 1-14 май кунлари ўтказилган Жаҳон чемпионатида барча рақибларини мағлубиятга учратиб, олтин медални қўлга киритганди.

Аввалроқ, Сурхондарё вилояти ҳокими Баҳодир Жалоловга янги хонадон совға қилгани ҳақида хабар бергандик.