Тошкентда 2 тонна гиёҳванд моддалар ёқиб юборилди — фото

Сергели туманидаги заводда мусодара қилинган гиёҳванд моддаларнинг навбатдаги партияси йўқ қилинди.

Бугун пойтахтнинг Сергели туманидаги заводлардан бирида республика ҳуқуқни муҳофаза қилиш идоралари томонидан ноқонуний муомаладан мусодара қилинган гиёҳванд моддаларнинг навбатдаги партияси йўқ қилинди. Гиёҳванд моддаларини ёқиш жараёнида UzNews.uz мухбири ҳам иштирок этди.

Жами 2 тонна 51 кг 644,96 гр гиёҳвандлик воситалари ёқиб юборилди. Бундан ташқари, 496 марка ЛСД, 22789 туп кўкнор ўсимлиги, 3977 туп каннабис ўсимлиги, 77201 дона таблетка, капсула, ампула кўринишидаги гиёҳвандлик ва психотроп моддалар ва 9 л 976,42 мл таркибида гиёҳвандлик воситалари мавжуд бўлган турли аралашмалар йўқ қилинди.

Ёқиб юборилган гиёҳвандлик воситалари қуйидагилар:

236 кг 56,01 гр героин, 265 кг 504,85 гр опий, 152 кг 795,46 гр кўкнор, 565 кг 792,02 гр гашиш, 167,51 гр каннабис мойи, 811 кг 940,42 гр марихуана ва каннабис ўсимлиги, 12,11 гр тетрагидроканнабинол, 0,26 гр кокаин, 1 кг 486 гр кодеин, 499 гр налбуфин гидрохлорид, шунингдек синтетик гиёҳвандлик воситалари бўлган 6 кг 301 гр а-PVP, 2 кг 130,57 гр 4-метилметкатинон (мефедрон), 1 кг 100,76 гр спайс, 0,7 гр МДМА, 0,97 гр амфетамин, 2,45 гр метамфетамин ҳамда 7 кг 854,81 гр перманганат калий прекурсори.

Қайд этилишича, 2022 йилнинг ўтган даври мобайнида давлат божхона хизмати органлари томонидан ҳамкорликда 2 тн 232,9 наркотик моддалар, 20 та ҳолатда 5623 дона психотроп таблеткалар ушлаб қолинди.