Бухорода 259 млн сўмлик дарахтларни кесган фуқаро 1 млн 350 минг сўм жаримага тортилди — видео

Ҳуқуқбузар 16 туп дарахт ва буталарни кесганлиги аниқланган.

Жорий йилнинг 4 февраль куни Бухоро шаҳар Придастгир кўчаси 3/7-уй ва Алпомиш кўчаси 14-уй орасида кўп қаватли уй-жой қурилиши белгиланган ҳудудда фуқаро Қ.Қ. 16 туп дарахт ҳамда буталарни кесганлиги аниқланган. Ушбу ҳуқуқбузарлик бўйича ҳужжатлар Бухоро шаҳар Прокуратурасига тақдим қилинган.

Бухоро вилояти Экология бошқармасининг хабарига кўра, ҳолат юзасидан дастлабки ўрганишлар якунланган.

Унга кўра, фуқаро Қ.Қ.га нисбатан содир этган ҳуқуқбузарлиги учун МЖтКнинг 79-моддаси 1-қисми билан 1 350 000 сўм жарима ҳамда табиатга етказилган зарар 259 млн сўм ҳисобланиб, ҳужжатлар судга тақдим этилган.