Суд “Kompromatuzb” Telegram-канали билан боғлиқ ишни кўриб чиқишни бошлади

UzNews.uz мухбири иш кўрилаётган судга бориб, репортаж тайёрлади.

Бугун, 18 июль куни Жиноят ишлари бўйича Тошкент шаҳар Шайхонтоҳур туман судида «Kompromatuzb» иши бўйича суд мажлиси бошланди. Суд икки нафар судланувчининг талабига биноан ушбу жиноят ишини Жиноят-процессуал кодекснинг 19-моддаси (судда жиноят ишларининг ошкора кўрилиши) талабларига мувофиқ ёпиқ суд мажлисида кўриб чиқиш ҳақида ажрим чиқарди.

UzNews.uz мухбири мазкур суд жараёнига ташриф буюриб, Олий суд матбуот хизмати раҳбари Азиз Абидов билан суд ёпиқ тарзда кўрилиши сабаблари ҳақида суҳбатлашди.