[ jamiyat ] 24 Iyul 2023
Нукус давлат педагогика институти проректори $3 минг пора билан ушланди
У мазкур маблағ эвазига фуқарони институтга ўқишга киритиб қўйишни ваъда қилган.
Қайд этилишича, Бош прокуратура ҳузуридаги Департаментнинг Кегейли туман бўлими томонидан ИИВ ходимлари билан ҳамкорликда ўтказилган тезкор тадбирда “Ажиниёз” номидаги Нукус давлат педагогика институти проректори М.Ж. фуқаро Х.Н.ни ушбу институтга ўқишга киритиб қўйиш эвазига 3 000 АҚШ доллари пора талаб қилиб, олган вақтида ашёвий далиллар билан ушланган.
Мазкур ҳолат юзасидан Жиноят кодексининг 210-моддаси (пора олиш) билан жиноят иши қўзғатилиб, тергов ҳаракатлари ўтказилмоқда.