Ўзбекистон 14 давлатга 3 миллион долларлик тарвуз экспорт қилди

Экспортнинг 60 фоиздан ортиғи Қирғизистон ва Қозоғистонга тўғри келади.

Статистика агентлигининг дастлабки маълумотларига кўра, Ўзбекистон 2023 йилнинг январь-июнь ойларида 14 та давлатга қиймати 3 млн AҚШ долларига тенг бўлган 6,5 минг тонна тарвуз экспорт қилган. Тарвуз экспортининг умумий қиймати 3 млн АҚШ долларига тенг бўлган.

Ўтган йилнинг шу даврига солиштирганда, тарвуз экспорти ҳажми 1,8 минг тоннага ошган.

Ўзбекистон 2023 йилнинг 6 ойида энг кўп тарвуз экспорт қилинган давлатлар:

— Қозоғистон – 2 минг тонна;

— Қирғизистон – 2 минг тонна;

— Россия – 1,5 минг тонна;

— Латвия – 500 тонна;

— Литва – 135 тонна;

— Германия – 115 тонна;

— Беларус – 34 тонна.