[ jamiyat ] 2 Avgust 2023
Самарқандда бир нафар абитуриент имтиҳондан четлаштирилди — видео
У тест топшириқлари китобининг варағини йиртиб, олиб чиқиб кетган.
Маълум қилинишича, кимё фанидан тест топшириқлари акс этган 7101863 рақамли тест топшириқлари китоби бу йилги тест синовларига тааллуқли бўлган.
Яъни жорий йилнинг 1 август куни Самарқанд вилоятида тест топширган абитуриент тест топшириқлари китобининг варағини йиртиб, олиб чиқиб кетган.
Таъкидланишича, бу ҳолат видеокузатув орқали аниқланган.
Натижада Вазирлар Маҳкамасининг 2018 йил 3 апрелдаги 261-сон қарори билан тасдиқланган Низомнинг 52-бандига мувофиқ, мазкур абитуриент тест синовидан четлаштирилган.