Фарғона вилояти ҳокимига биринчи ўринбосар тайинланди

Бундан аввалги ўринбосар Аваз Ўринбоев президент томонидан ишдан олинганди.

Хабиб Сирожитдинов Фарғона вилояти ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари этиб тайинланди. Бу ҳақда вилоят ҳокимлиги Матбуот хизмати хабар берди.

Тайинловга қадар Х.Сирожитдинов Давлат активларини бошқариш агентлиги Фарғона вилояти ҳудудий бошқармаси бошлиғи лавозимида ишлаган.

Бундан аввалги ўринбосар Аваз Ўринбоев лавозимига масъулиятсизлик билан қарагани сабаб Шавкат Мирзиёев томонидан ишдан олинганди.