Ўзбекистонда мактабларда дарслар бошланиш санаси маълум қилинди

Вазирлик янги ўқув йилининг илк кунини маълум қилди.

Президент фармонига мувофиқ Мустақиллик байрами муносабати билан 2 сентябрь — шанба қўшимча дам олиш куни сифатида белгиланганлиги сабабли 1-3 сентябрь барча учун дам олиш кунлари саналади.

Шу муносабат билан республикадаги барча мактабларда янги — 2023/2024 ўқув йили дарс жараёнлари 2023 йил 4 сентябрдан (душанба куни) бошланишини маълум қиламиз, дея хабар берди мактабгача ва мактаб таълими вазирлиги.