"Эркинжон Турдимовнинг бошқа ишга ўтаётгани ҳақидаги хабар асоссиз" — Самарқанд вилояти ҳокимлиги
Тармоқларда Президентнинг Самарқандга ташрифи давомида айни пайтдаги вилоят ҳокими ўзгариши айтилган хабарлар тарқалмоқда.
Ижтимоий тармоқлардаги канал ва саҳифаларда бундай асосланмаган ахборотни тарқатмаслик сўралди.
Таъкидланишича, вилоят раҳбари ўз фаолиятини одатий режимда давом эттирмоқда.
«Кенг жамоатчиликдан ҳеч қандай асосга эга бўлмаган, турли тахмин ва талқинлардан иборат хабарларга ишонмасликни сўраб қоламиз», — дейди вилоят Матбуот котиби Манучеҳр Мирзаев.