7 ой ичида Ўзбекистонга 1,9 млн дона мобил телефонлар олиб келинди

Мазкур вақт давомида телефонлар асосан Хитойдан импорт қилинган.

Статистика агентлигининг дастлабки маълумотларига кўра, Ўзбекистон 2023 йилнинг январь-июль ойларида хориждан қиймати 130 млн AҚШ долларига тенг бўлган қарийб 1,9 млн дона барча турдаги мобил телефонларни импорт қилган.

Қайд этилишича, мобил телефонлар импорти 2022 йилнинг мос даври билан солиштирилганда 365 880 тага ошган.

Ўзбекистон 2023 йилнинг 7 ойида энг кўп мобил телефон импорт қилган давлатлар:

— Хитой – 1,7 млн дона;

— Вьетнам – 189,2 минг дона;

— Ҳиндистон – 14,3 минг дона;

— Қозоғистон – 2,4 минг дона;

— БАА – 1,9 минг дона.