Ўзбекистонликлар октябрь бошида икки кун кетма кет дам олишади

Илк марта байрам куни якшанбага тўғри келгани сабабли дам олиш куни душанбага кўчирилади.

Янги таҳрирдаги Меҳнат кодексининг 208-моддасига мувофиқ ишланмайдиган байрам куни ҳисобланувчи "1 октябрь – Ўқитувчи ва мураббийлар куни” 2023 йилда якшанба — дам олиш кунига тўғри келганлиги муносабати билан ушбу дам олиш куни 2023 йил 2-октябрь — душанба кунига кўчирилади.

Бунда ишлаб чиқариш-техник ва ташкилий шароитлар (мавжуд узлуксиз ишлаб чиқариш, аҳолига ҳар куни хизмат кўрсатиш, навбатчилик асосида ишлаш ва бошқалар) туфайли ишланмайдиган байрам кунлари тўхтатиб қўйиш мумкин бўлмаган ишларни бажаришда дам олиш кунлари кўчирилмайди.