Йўлларда қурилаётган барча "пешеход"лар светофор билан жиҳозланади

Ушбу тартиб янги йилдан кучга киради.

2024 йил 1 январдан бошлаб аҳоли пунктларида барча янги қурилаётган икки ва ундан ортиқ полосали автомобиль йўлларида пиёдалар ўтиш йўлакларини светофорлар билан тўлиқ жиҳозлаш мажбурий этиб белгиланди.

Бу президентнинг 2023 йилда “Ўзбекистон – 2030” стратегиясини сифатли ва ўз вақтида амалга ошириш чора-тадбирлари” тўғрисидаги қарорида маълум қилинди.

Шунингдек, аҳолига «Ўзбекистон — 2030» стратегиясини амалга ошириш жараёнини баҳолаш, ўз фикр ва ташаббусларини билдириш имкониятини берувчи онлайн портал ишга туширилади.