Тошкент ва Самарқанд ҳамда Тошкент ва Қарши ўртасида қўшимча "Афросиёб" электропоезди йўлга қўйилмоқда

«Устоз ва мураббийлар куни» муносабати мазкур шаҳарлар ўртасидаги поезд қатнови кўпайтирилмоқда.

1 октябрь — «Устоз ва мураббийлар куни» муносабати билан йўловчиларга қулайлик яратиш мақсадида 30 сентябрдан ва 1-2 октябргача 767/768-сонли «Самарқанд — Тошкент — Самарқанд» йўналишида «Афросиёб» электропоездининг қўшимча ҳаракати йўлга қўйилди. Бу ҳақда «Ўзбекистон темир йўллари» АЖ Матбуот хизмати хабар берди.

Поездлар қуйидаги жадвал асосида ҳаракатланади:

— 767-сонли «Самарқанд — Тошкент» йўналиши: Самарқанд 11:09 - Тошкент 13:18;

— 768-сонли «Тошкент — Самарқанд» йўналиши: Тошкент 13:41 - Самарқанд 15:48.

Шунингдек, 29 сентябрь куни «Тошкент — Қарши — Тошкент» йўналишида «Афросиёб» электропоездининг қўшимча 1 та рейс ҳаракати йўлга қўйилди.

Поезд амалдаги жадвал асосида ҳаракатланади:

— 780-сонли «Тошкент — Қарши» йўналиши: Тошкент 07:00 - Қарши 10:21;

— 779-сонли «Қарши — Тошкент» йўналиши: Қарши 15:25 — Тошкент 18:50.

Чипталарни нафақат темир йўл чиптахоналаридан, балки электрон тарзда ушбу ҳавола орқали харид қилиш мумкин.

⠀