Тошкент халқаро аэропортига бепул микроавтобуслар қатнови йўлга қўйилди

Бугундан бошлаб, мазкур автобуслар аэропорт ва Яккасарой ТИИБ бекати бўйлаб ҳаракатланади.

Аввалроқ, Тошкент халқаро аэропорти яқинидаги кўприк таъмирланаётганлиги ва натижада ундан ўтувчи 10 та автобус йўналиши ўзгартирилганлиги ҳақида хабар берган эдик.

Бугун, 3 октябрь санасидан бошлаб, 3М-сонли «Халқаро аэропорт» бекатини кўприк йўли орқали «Яккасарой ТИИБ» бекати билан боғловчи 2 та микроавтобуслар ҳаракатланувчи вақтинчалик бепул йўналиш ташкил этилди. Бу ҳақда «Тошшаҳартрансхизмат» АЖ Матбуот хизмати хабар қилди.

Эслатиб ўтамиз, кўприк таъмирлаш ишлари ва бепул автобус қатнови қачонгача давом этиши ҳали маълум қилинмаган.