Янгийўлда тўй маросимида автомашина бошқариб "шоу" кўрсатган йигитлар қамалди — видео

Улар тўй маросимида ўз автомашинасини бошқариб кетаётган вақтда тана қисмларини автомашинадан ташқарига чиқарган.

Куни кеча яқинининг тўй маросимига борган икки нафар ёш йигит ўз автомашинасида руль бошқарувини қўйвориб, тана қисмларини автомашинадан чиқаргани акс этган видео ижтимоий тармоқларга сиздирилди. Ушбу ҳолат Тошкент вилояти ИИББ ЖХД ЙҲХБ ходимлари томонидан ўрганилди.

Аниқланишича, қоидабузарликни Тошкент вилояти Янгийўл туманида яшовчи 22 ёшли йигитлар ҳайдовчилар содир этганлиги аниқланиб, уларга қонуний чора кўрилиши таъминланди.

Ҳолат юзасидан Янгийўл туманида ўтказилган суд мажлисида қоидабузар ҳайдовчиларнинг ҳар иккиси ҳам 10 суткага қамалди.