Қашқадарёда автобуснинг газ баллони портлаши оқибатида жароҳатланганлар 6 бараварга кўпайди

Қашқадарё вилояти CCБ портлаш оқибатида 24 киши жабрлангани ва уларнинг аҳволини маълум қилди.

Аввалроқ, Муборак туманида автобусда ўрнатилган газ баллони портлаб, автобусга ва одамларга жиддий шикаст етгани ҳақида хабар бергандик. Қашқадарё вилояти ССБ жабрланганларнинг аҳволи ҳақида маълумот берди.

Қайд этилишича, Муборак тумани тиббиёт бирлашмасига 15 октябрь куни соат 17:30 лар атрофида 24 нафар бемор олиб келинган. Шундан 16 нафарига амбулатор ёрдам кўрсатилиб, уйига жавоб берилган. 4 нафар бемор турли жароҳатлар билан жарроҳлик бўлимида назоратда қолдирилди. 4 нафар бемор реанимация бўлимига ётқизилиб, жарроҳлик амалиёти ўтказилди. Вафот этганлар йўқ.

Вазият вилоят соғлиқни сақлаш бошқармасининг қатъий назоратига олинган.