Тошкент вилоятида ўқувчи қизга тегажоғлик қилган 51 ёшли эркак 5 суткага қамалди
У кўчада мактаб ўқувчисига шаҳвоний ҳаракатлар қилиб, тегажоғлик қилган.
Суд ҳужжатларига кўра, жорий йилнинг 10 октябрь куни соат 11:00 ларда 51 ёшли эркак кўчада кетаётган ўзига нотаниш бўлган вояга етмаган мактаб ўқувчиси Ш.Ф.га шаҳвоний ҳаракатлар қилиб, тегажоғлик қилган.
Суд мажлисида ҳуқуқбузар эркак ҳақиқатдан хам ҳуқуқбузарликни содир қилганлигини, қилган ишидан пушаймонлигини, бошқа бундай ҳолат такрорланмаслигини билдириб, суддан унга нисбатан енгиллик беришни сўради.
Суд ҳукмига кўра, эркак МЖтКнинг 41-1-моддаси 1-қисмида назарда тутилган ҳуқуқбузарликни содир қилганликда айбли деб топилди ва унга 5 сутка маъмурий қамоқ жазоси тайинланди.