Тошкент вилоятида Cobalt ҳайдовчиси билан бирга ёниб кетди — видео

Машина бетон симёғочга урилиб, ёниб кетган. Аммо, ҳайдовчи машинадан чиқолмаган.

ЙТҲ жорий йилнинг 3 ноябрь куни соат тахминан 23:30 ларда Олмалиқ шаҳрининг Мирзо Улуғбек кўчасида содир бўлган. Бу ҳақда “Миллар” информацион дастурида маълум қилинди.

Маълум бўлишича, Cobalt ҳайдовчиси руль бошқарувини йўқотиб, йўл четидаги бетон симёғочга бориб урилган. Оқибатда машинада кучли ёнғин юзага келган.

ЙТҲ натижасида, 1974 йилда туғилган ҳайдовчи воқеа жойида вафот этган. Ҳозирда ҳолат юзасидан суриштирув ишлари олиб борилмоқда.