Тошкентнинг учта туманида газ вақтинча ўчирилади

Сергели, Яккасарой ва Шайхонтоҳур туманларига табиий газ етказиб бериш вақтинча тўхтатилади.

Таъмирлаш ишлари туфайли Тошкент шаҳрининг Сергели, Яккасарой ва Шайхонтоҳур туманларининг қуйидаги ҳудудларига 7 ноябрь куни табиий газ етказиб бериш вақтинча тўхтатилади. Бу ҳақда «Ҳудудгаз Пойтахт» ГТФ хабар бермоқда.

— Сергели тумани (11:00 дан 16:00 гача): «Бунёдодоб» ва «Янги Бунёдкор» МФЙ;

— Яккасарой тумани (11:00 дан 18:00 гача): «Й.Ражабий» МФЙ;

— Шайхонтоҳур тумани (11:00 дан 14:00 гача): Лабзак кўчаси.

Таъмирлаш ишлари тугатилгандан сўнг, табиий газ таъминоти қайта тикланади.