Тошкентда йўловчи автобус йўлнинг қатнов қисмида тўхтаб турган Nexia билан тўқнашди— видео
«Тошшаҳартрансхизмат» АЖ ЙТҲ юзасидан маълумот берди.
Маълум қилинишича, ҳодиса жорий йилнинг 10 ноябрь куни соат 8:00 ларда Яшнобод тумани Махтумқули кўчаси Ашхобод боғи чорраҳасида содир бўлган. 41 ёшли ҳайдовчи бошқарувидаги 21-сонли йўналишдаги автобус Nexia — 1 автомобили билан тўқнашиб кетган.
Дастлабки маълумотларга кўра, ҳаракат вақтида автобус йўл қатнов қисмининг чап бўлагида ҳеч қандай авария ҳолатини англатувчи белгиларини қўймасдан ва авария чироқларини ёқмасдан тўхтаб турган Nexia — 1'нинг орқа қисмига бориб урилиши оқибатида ЙТҲ содир бўлган.
Содир этилган ушбу ЙТҲ натижасида Nexia — 1 ҳайдовчиси енгил тан жароҳати олган. Автобус ва енгил автомобиль техник шикастланган.
Ҳозирда ушбу йўл-транспорт ҳодисаси Тошкент шаҳар ИИББ ЙҲХБ ходимлари томонидан ўрнатилган тартибда расмийлаштирилган.