Бемор аёлни зўрлагани айтилган фельдшер иши юзасидан жиноят иши қўзғатилди

Тергов бўлими жинсий эҳтиёжни зўрлик ишлатиб ғайритабиий усулда қондириш моддаси билан жиноий иш очди.

Аввалроқ, Тошкентда тез ёрдам ходими аёл беморни зўрлагани ҳақида хабарлар берилганди. Мазкур ҳодиса ижтимоий тармоқда кенг муҳокамага сабаб бўлди.

Тошкент шаҳар ИИББ Матбуот хизматининг UzNews.uz'га маълум қилишича, ҳолат юзасидан Олмазор тумани ИИБ тергов бўлими томонидан ЖКнинг 119-моддасига (Жинсий эҳтиёжни зўрлик ишлатиб ғайритабиий усулда қондириш) асосан жиноят иши қўзғатилган.

Гумон қилинувчи процессуал тартибда қўлга олинган.