Андижонда Nexia-2 ҳайдовчиси 25 ёшли велосипедчи уриб, қочиб кетди

Велосипедчи шифохонада вафот этди.

Жорий йилнинг 19 ноябрь куни соат 17:35 ларда Олтинкўл тумани «Бўстон» МФЙ ҳудудида Nexia — 2 ҳайдовчиси велосипедчи 25 ёшли У.О.ни уриб юборган. Аммо, ҳайдовчи У.О.га ёрдам кўрсатмай воқеа жойидан кетиб юборган.

Вилоят ИИБ ЙҲХБ Ахборот хизматининг UzNews.uz'га хабар беришича, ЙТҲ оқибатида, У.О. тан жароҳати олиб туман шифохонасига ёткизилган. Аммо, у кўрсатилган муолажаларга қарамасдан шифохонада вафот этган.

Тезкор қидирув ҳаракатлари натижасида ҳайдовчи қўшни Балиқчи туманидан топилиб, ушланган.

Мазкур ҳолат юзасидан Олтинкўл тумани ИИБ Тергов бўлими томонидан Жиноят Кодексининг 266-моддаси 1-қисми билан жиноят иши қўзғатилган.