Сурхондарёда 114 дона майнинг қурилмаларига эга ферма аниқланди
Давлат ва жамият манфаатларига 425 млн сўмдан ортиқ зарар етказган майнинг-ферма ташкил қилганларга жиноят иши қўзғатилди.
Бош прокуратура ҳузуридаги Департаментнинг Узун туман бўлими томонидан ДХХ ва ИИБ ходимлари билан ҳамкорликда ўтказилган тезкор тадбирда О.Қ. фуқаро Ж.У. билан ўзаро тил бириктириб, ўз уйида 114 та тўпламдаги майнинг крипто-активлари қурилмасини умумий фойдаланишдаги электр тармоғига ўзбошимчалик билан улаб, давлат ва жамият манфаатларига 425,7 млн сўм зарар етказганликлари аниқланган.
Мазкур ҳолат юзасидан Жиноят кодексининг 169-моддаси (ўғрилик) билан жиноят иши қўзғатилиб, тергов ҳаракатлари ўтказилмоқда.