Чирчиқда иккита ўсмир видеони суратга олиш учун эркакни калтаклашган
Эслатиб ўтамизки, кеча ижтимоий тармоқларда бир видео тарқалиб, унда Чирчиқ шаҳридаги икки нафар ўсмир қарияни калтаклашгани акс этган. Учинчи бола эса воқеани видеога олиб, шарҳлаб турган. Ўсмирлар эркакнинг бошига қўл ва оёқлари билан уришган. Бечора эркак урмасликни илтижо қилиб сўрасада, улар калтаклашни давом эттиришган.
Ҳуқуқ-тартибот идоралари маълумотларига кўра, ҳодиса 21 май куни соат 17:30да содир бўлган. Икки нафар саккизинчи синф ўқувчиси 58 ёшли эркакни асоссиз равишда калтаклашган. Бутун жараённи еттинчи синф ўқувчиси суратга олган ва кейинчалик видеони Интернетга юклаган.
Мазкур иш бўйича тергов олиб борилмоқда. Маҳаллий ички ишлар бошқармаси ходимлари ўсмирларнинг ота-оналари билан учрашув ўтказишган.
Умид қиламизки, мактаб ўқувчилари жиддий жазосини олиб, бу воқеа уларга яхши сабоқ бўлади. Видеода улар ўта шафқатсизликни намоён қилишган. Энг ёмони, улар зўравонлик ва одамни уришдан завқ олишган. Келажакда бу каби инсонлар қандай одам бўлиб вояга етаркан?