Тошкентда мусиқа ўқитувчиси 12 ёшли қизга тегажонлик қилиш ва уни зўрлашга уринганликда айбланмоқда
Жорий йилнинг май ойида 12 ёшли қизнинг онаси Nemolchi.uz таҳририятига мурожаат қилган. Унинг сўзларига кўра, нафақадаги 1957 йилда туғилган мусиқа ўқитувчиси Александр Султонов қизи билан икки йил шуғулланган, уни бузган ва охирги марта қарийбки зўрлаган. У ўқиш пайтида тўлиқ ишончга кирган, оиланинг уйига бориб турган, чўқинтирган отаси бўлишни хоҳлаган. Аввал, қиз ота-онаси билан дарсларга бориб турган, лекин шу йилнинг март ойидан бошлаб у ёлғиз ўзи қатнаган ва оила унга ишонгани боис, эркак бундан фойдаланган.
Жабрланувчининг онасининг сўзларига кўра, Султонов мунтазам равишда қиз ёлғиз келганида, унинг юзини ўпиб, ички кийим остидан бармоқлари билан танасига теккан. У қизнинг телефонидан порнографик сайтлар ва комиксларни очган, яқинликни таклиф қилган. Ёш қизалоқ бундан қотиб қолиб, унинг таклифларини рад этган ва буни қилмасликни илтимос қилган. У эртами-кечми эркак бузуқ қилиқларини тўхтатади деб умид қилган ва ўз жонига қасд қилиш ҳақида ўйлаган.
19 май куни у яна дарсга борган. Ўқитувчи маст бўлган ва дарҳол остонадан агрессив ҳаракатларни бошлаган, уни деворга қисиб, ушлаб турган ва аввалгидек қўлларига эрк берган. Қиз қочиб кетишга муваффақ бўлган. Уйда ота-онаси боланинг хатти-ҳаракатларидаги ўзгаришларни пайқашган ва қизи билан гаплашиб, ҳақиқатни билиб олишган.
«Ёши бир жойга бориб қолган, оиламига яқин бўлган киши қизим билан бузуқ қилиқларни бошлаган. У узоқ вақт қизимнинг хаёлини бузиб келган, у эса қўрққанидан сукут сақлаган. У икки йил режа тузган, биринчи машғулотданоқ қизимга алоҳида муносабатга киришишни таклиф қилган. Нима қилиш керак? Қаердан ёрдам ва ҳимоя олиш мумкин?”, -дея сўрамоқда ота-она.
Шундан сўнг қизнинг онаси ҳуқуқни муҳофаза қилиш органларига мурожаат қилиб, Тошкент прокуратурасига ариза ёзган. Оила тегишли текширувлардан ўтган, психологларнинг бир нечта хулосалари ва тавсияларини олган, терговчи томонидан сўроқ қилинган (жиноят-процессуал кодекси нормаларини бузган ҳолда, чунки сўроқ пайтида психолог/ўқитувчи бўлмаган).
Суд-тиббиёт экспертизаси қизнинг қўллари ва оёғида жабрланувчи томонидан тасвирланган муддат ва шароитларда юзага келиши мумкин бўлган “бир нечта нуқтали қонталаш излар» борлигини тасдиқлаган.
Айни пайтда Александр Султонов гаров эвазига озод қилинган ва Жиноят кодексининг 129-моддаси 2-қисми (16 ёшга тўлмаган шахсга нисбатан бузуқ ҳаракатлар) бўйича жавобгарликка тортилиши режалаштирилган. Ушбу моддага кўра, нафақахўр озодликдан маҳрум этилиши мумкин эмас.
Фаоллар ишни Жиноят кодексининг 119-моддаси 4-қисми (14 ёшга тўлмаган шахс билан ғайритабиий шаклда жинсий эҳтиёжни мажбуран қондириш) бўйича квалификация қилишни таклиф этишмоқда. Шундагина бузуқни панжара ортига юбориш мумкин.