Фарғонада эркак ўз хотинини бўғиб ўлдирган. Судда у болаларини эслаб, панжара ортига юбормасликни сўраган

Фарғона вилоятида яна бир шов – шувли қотиллик содир бўлган. Эркак ўз хотинини бўғиб ўлдирган. Судда у ўз фарзандлари борлиги баҳонасида судьядан уни ҳибсга олмасликни сўраган, чунки натижада улар ёлғиз қолармиш. Буҳ ҳақда зўравонликка қарши “Немолчи.уз” лойиҳаси маълумотларига асосланиб, мухбиримиз хабар бермоқда.

Фарғона вилояти Тошлоқ туманида туғилган Саиджон Бўтабоев октябрб ойи бошида рашк туфайли хотинини бўғиб ўлдирган. Қотилликдан сўнг у жиноят жойидан қочиб кетган, аммо тезкор ходимлар уни тезда қўлга олишган.

Саиджон 2018 йилда уйланган, хотини икки фарзандни туғиб берган. Оилада доимий жанжаллар юзага келган, шунинг учун аёли 2020 йилда ота-онаси билан яшашга кетган. Шу йилнинг сентябрь ойида у оиласини қайтариш мақсадида кайнотасининг уйига борган. Афсуски, бу ташриф аёл учун фожиали якунланган.

1 октябрь куни у хотинининг бошқа эркак билан телефонда гаплашаётганини эшитиб қолган. Саиджон рашк туфайли жанжал чиқарган ва эрталаб соат 3-00 атрофида хотинини бўғиб ўлдирган ва жиноят жойидан қочиб кетган, аммо Фарғона вилояти тезкор ходимлари уни бир кундан камроқ вақт ичида қўлга олишган.

Тергов давомида ҳибсга олиш масаласи кўриб чиқилган суд мажлисида Саиджон ўз айбини тан олган. У судьядан унга озодликдан маҳрум қилиш билан боғлиқ бўлмаган эҳтиёт чорасини тайинлашни илтимос қилган, акс ҳолда икки фарзанди ёлғиз қолишини айтган.

Айбланувчининг адвокати Бўтабоев жиноятни тан олганини, икки фарзанди билан ёлғиз қолганини ва ягона боқувчиси эканлигини таъкидлаб, уни гаров эвазига озод қилишни сўраган.

Амалдаги қонунчиликка мувофиқ, судья айбланувчини тергов ҳибсхонасига тергов давомида ҳибсга олишга қарор қилган. Бўтабоев қасддан қотиллик содир этганликда айбланмоқда. У 15 йилгача озодликдан маҳрум қилиниши мумкин.