Ўзбекистонга яна кескин совуқ ёпирилмоқдами? “Ўзгидромет” тарқатилаётган хабарларга ойдинлик киритди
Ўзгидромет ижтимоий тармоқларда «келаётган кунларда ҳаво ҳароратининг — 10 даражагача совиб кетиши» ҳақидаги хабарлар нотўғри талқин қилинаётгани юзасидан изоҳ берди. Унга кўра, ҳароратнинг — 10 даражагача совиши фақат тоғ ва шимол ҳудудларига тааллуқли.
Бошқа ҳудудларда ушбу кун учун ўртача суткалик ҳаво ҳарорати шу кун учун хос иқлимий меъёрларга яқин қийматни беради.
17 декабрдан бошлаб, Ўзбекистонда 4-5 кунларча ўрнашган совуқ антициклон чекка қисми чекинади ва ҳаво ҳарорати аста кўтарилиб боради. Бу шу кунлар учун совуқлик дегани эмас.
18 декабрь шимолдан кириб келган нам ҳаво оқими 19 декабрь куни республиканинг катта қисмига таъсир этиб, асосан ёмғирни беради. Тоғ ва шимол, бепоён чўл ҳудудларда қор кўринишида ёғингарчилик бўлиши мумкин.
Бир сўз билан айтганда, шу уч-тўрт кунликда Ўзбекистонга кутилажак оқимлар бу совуқ ҳаво оқимлари эмас ва булар минтақада тунда хам айни кунлардаги ҳарорат ва ундан юқорини улашади. Хозир тунда кучли совишлар бўлмаяпти, дейилади хабарда.