Ўзбекистонда 11 ойда 887 мингдан ортиқ чақалоқ дунёга келди

Туғилган ўғил болаларнинг сони қиз болаларга нисбатан 31 978 нафарга кўп.

Статистика агентлигининг дастлабки маълумотларига кўра, 2023 йилнинг январь-ноябрь ойларида ФҲДЁ органлари томонидан Ўзбекистонда 887 424 нафар тирик туғилиш ҳолатлари қайд этилган, дея хабар бермоқда Статистика агентлиги Матбуот хизмати.

Бу кўрсаткич ўтган йилнинг мос даврига нисбатан 4,4 %га ошган.

2023 йилнинг 11 ойида туғилган ўғил болаларнинг сони 459 701, қиз болалар сони эса 427 723 нафарни ташкил этди.

Ўзбекистонда 2023 йилнинг 11 ойида қиз болаларга нисбатан 31 978 нафар кўп ўғил болалар туғилган.