Тошкент вилоятида 500 кВ кучланишли рақамли подстанция қурилади
Тошкент вилоятининг Қуйи Чирчиқ туманида қурилиши режалаштирилган «Ҳалқа» подстанцияси 1602 МВА ўтказувчанлик қувватига эга бўлади.
Мазкур подстанциянинг ишга туширилиши натижасида Тошкент шаҳри истеъмолчиларининг электр таъминоти сифати оширилади. Шунингдек, Тошкент вилоятидаги «Келес» подстанциясига тушадиган юкламани камайтиришга эришилади.
«Ҳалқа» подстанциясини «Сирдарё» ИЭС ва энергетика тизимининг бошқа подстанциялари билан боғлаш учун Тошкент ҳамда Сирдарё вилоятлари ҳудудида 213 км. узунликдаги 220 кВ ва 72 км. узунликдаги 500 кВ кучланишли электр узатиш тармоқлари қурилмоқда.