Туман Ўзбекистондаги иккита аэропорт фаолиятини чеклаб қўйди

Қалин туман туфайли Наманган ва Фарғона аэропортларида ҳаво кемаларининг қўниши ва учиши вақтинча чекланди. Айрим рейслар Тошкентга йўналтирилди.

Фарғона водийсидаги ноқулай об-ҳаво шароити – қалин туман туфайли Наманган ва Фарғона аэропортларида рейсларни қабул қилиш ва жўнатиш вақтинча чекланди. Бу ҳақда Uzbekistan Airports хабар бермоқда.

Хусусан, Наманганда қуйидаги парвозлар кечиктирилди:

— Flynas авиакомпаниясининг XY — 652 Наманган — Жидда парвози (йўловчилар Наманган аэропортида парвозни кутишмоқда);

— Aeroflot авиакомпаниясининг SU — 1971 Наманган — Москва парвози (йўловчилар Наманган аэропортида парвозни кутишмоқда);

— RedWings авиакомпаниясининг WZ — 1124 Махачкала — Наманган — Махачкала рейси (самолёт Наманганда об-ҳаво шароити яхшиланишини кутмоқда);

— Uzbekistan Airways авиакомпаниясининг HY — 9858 Уфа – Наманган парвози (Тошкентга йўналтирилган);

— Uzbekistan Airways авиакомпаниясининг HY — 9825 Наманган – Сочи парвози (йўловчилар Наманган аэропортида парвозни кутишмоқда);

— Panorama Airways авиакомпаниясининг 5P — 5382 Мадина — Наманган парвози (Тошкентга йўналтирилган). 5P — 5381 Наманган – Мадина парвози Тошкентдан амалга оширилади, йўловчилар ер усти транспортида Тошкентга етказилади;

— Jazeera Airways авиакомпаниясининг J — 663 Қувайт – Наманган парвози (самолёт Тошкентдаги муқобил аэродромга йўналтирилган, йўловчилар Наманганга ер усти транспортида етказилади).

Фарғона аэропортида қуйидаги парвозлар кечиктирилди:

— Utair авиакомпаниясининг UT — 789 Москва — Фарғона парвози (Тошкентдаги муқобил аэродромга йўналтирилди. UT — 790 Фарғона — Москва парвози об-ҳаво шароити яхшиланишини кутмоқда);

— S7 авиакомпаниясининг S76323 Иркутск – Фарғона – Иркутск парвози (Иркутсксдан учиш 22.12.2023 санасига Тошкент вақти билан соат 18:00га қолдирилди).