Ҳокимият органларининг очиқ ахборот рейтинги эълон қилинди

Ўзбекистон Республикаси Олий Мажлиси ҳузуридаги Ахборот соҳасини ва оммавий коммуникацияларни ривожлантириш масалалари бўйича жамоатчилик кенгаши томонидан 2023 йилнинг июл ва декабр ойларида республика ижро этувчи ҳокимият органлари фаолиятининг ахборот жиҳатдан очиқлиги юзасидан мониторинг ўтказилди.

Унга кўра, 2023 йил январидан декабрига қадар бўлган даврда Ўзбекистонда фаолият юритиб келган 21 та республика ижро этувчи ҳокимият органининг 50 та энг кўп ўқиладиган электрон миллий ОАВдаги чиқишлари мониторинг қилинди ва якуний рейтинги тузилди.

Рейтинг кўрсаткичлари республика ижро этувчи ҳокимият органлари ва уларнинг мансабдор шахслари тўғрисида чоп этилган мақолалар ва кўришлар сони, шунингдек танқидий муносабатлар асосида шакллантиришни назарда тутади.

Мониторинг натижаларига кўра, Рақамли технологиялар, Адлия, Ички ишлар, Иқтисодиёт ва молия вазирликлари фаолияти ахборот жиҳатдан очиқлик талабларига мос келган ҳолда юқори ўринларни эгаллаган. Ва аксинча, Транспорт, Тоғ-кон саноати ва геология ҳамда Маданият вазирликлари қуйи кўрсаткичларни қайд этган.

Мониторинг натижалари қуйидагича (кўрсаткичлари фоизда):

1. Рақамли технологиялар вазирлиги — 0.9643
2. Адлия вазирлиги — 0.9617
3. Ички ишлар вазирлиги — 0.8089
4. Иқтисодиёт ва молия вазирлиги — 0.7196
5. Олий таълим, фан ва инновациялар вазирлиги — 0.5907
6. Энергетика вазирлиги — 0.5892
7. Соғлиқни сақлаш вазирлиги — 0.5753
8. Экология, атроф-муҳитни муҳофаза қилиш ва иқлим ўзгариши вазирлиги — 0.5722
9. Ташқи ишлар вазирлиги — 0.5651
10. Фавқулодда вазиятлар вазирлиги — 0.5603
11. Мактабгача ва мактаб таълими вазирлиги — 0.4882
12. Мудофаа вазирлиги — 0.4343
13. Қурилиш ва уй-жой коммунал хўжалиги вазирлиги — 0.4166
14. Инвестициялар, саноат ва савдо вазирлиги — 0.3968
15. Камбағалликни қисқартириш ва бандлик вазирлиги — 0.3936
16. Ёшлар сиёсати ва спорт вазирлиги — 0.3655
17. Сув хўжалиги вазирлиги — 0.3544
18. Қишлоқ хўжалиги вазирлиги — 0.3308
19. Транспорт вазирлиги — 0.2674
20. Тоғ-кон саноати ва геология вазирлиги — 0.2368
21. Маданият вазирлиги — 0.1575

Таъкидланишича, вазирликлар тўғрисида 2023 йилда электрон ОАВда эълон қилинган мақолалар сони ўтган йилга нисбатан сезиларли ўсган. Шу билан бирга, танқидий муносабатлар нисбатида пасайиш кузатилмаган.