Australian Open. Алькарас турнирни тарк этди

Австралияда мавсумнинг илк «Катта Дубулға» мусобақаси ўзининг энг қизғин палласига кириб улгурди.

Дунёнинг иккинчи ракеткаси Карлос Алькарас мусобақа чорак финалида германиялик Александр Зверевга қарши кортга чиқди.

3 соат 9 дақиқа давом этган ўйинда Александр Зверев 6:1, 6:3, 6:7, 6:4 ҳисобларида ғалаба қозонди ва ярим финалга йўл олди.

Энди Зверев мусобақа финалига чиқиш учун россиялик Даниил Медведевга қарши ўйнайди.