Туркия авиакомпанияси Ўзбекистонга мунтазам парвозларини амалга оширишга рухсат олди

Парвозлар B737-800 самолётларида амалга оширилади.

Туркиянинг «AJet» авиакомпанияси Ўзбекистонга мунтазам авиақатновларни амалга оширишга рухсат олди, дея хабар бермоқда «Ўзавиация» агентлиги Матбуот хизмати.

Унга кўра, Ўзбекистон ва Туркия ўртасида ҳаво қатнови тўғрисидаги Ҳукуматлараро битим асосида, 2024 йил 21 февралда «Ўзавиация» агентлиги томонидан «AJet» авиакомпаниясига Aнқара-Тошкент-Aнқара йўналиши бўйича Ўзбекистонга мунтазам парвозларини амалга оширишга рухсат берилди. Парвозлар B737-800 самолётларида амалга оширилади.