Ниш-2025: Кечаги баҳсларда 4 ғалаба ва бир мағлубият. Бугун 8 боксчимиз жанг қилади

Ниш шаҳри (Сербия) мезбонлик қилаётган бокс бўйича аёллар ўртасидаги жаҳон чемпионати қизғин давом этмоқда. Ҳамюртимиз Нигина Ўктамова яна бир ажойиб жанг ўтказди ва бу гал кубалик рақибини муддатидан аввал мағлубиятга учратишга эришди.

— 48 кг: Фарзона Фозилова – Суеюн Чжон (Хитой) 5:0

— 54 кг: Нигина Ўктамова – Мелани Бермудез (Куба) 1-раундда техник нокаут

— 75 кг: Азиза Зокирова – Алина Вебер (Беларус) 5:0

— 52 кг: Феруза Казакова – Рохана Стела (Руминия) 5:0

— 70 кг: Ойша Тоирова – Саида Лахмиди (Марокаш) 0:1 (3-раундда техник нокаут билан мағлубият)

Жаҳон чемпионатининг навбатдаги куни доирасидан боксчилар бугун ярим финал учун рингга кўтариладилар. Ушбу босқичга терма жамоамиздан 8 нафар боксчи етиб келди. Улар бугун медал йўлида ўз учрашувларини олиб боради.

Жуфтликлар билан танишинг:

— 50 кг: Сабина Бобоқулова — Златислава Чуканова (Болгария) А ринг. 18:15
— 60 кг: Ситора Турдибекова — Виктория Графеева (Қозоғистон). А ринг. 19:15
— 66 кг: Навбаҳор Ҳамидова — Моуниа Тоутире (Марокаш) Б ринг. 19:45
— 81 кг: Соҳиба Рўзметова — Бусра Исилдар (Туркия) А ринг. 20:15
— 48 кг: Фарзона Фозилова — Анаханим Исмаилова (Озарбайжон) А ринг. 22:00
— 52 кг: Феруза Казакова — Имане Эл Аъзамий (Марокаш) Б ринг. 22:30
— 57 кг: Нигина Ўктамова — Андела Бранкович (Сербия) Б ринг. 23:00
— 75 кг: Азиза Зокирова — Аоифе Ороурке (Ирландия) А ринг. 00:30

Жанглар Тошкент вақти билан 18:00 дан бошлаб старт олади.

Манба: olympic.uz