Теннис. Сергей Фомин чорак финал остонасидаги рақибини кутмоқда

Грузия пойтахти Тбилиси шаҳрида теннис бўйича «Челленжер» туркумига кирувчи халқаро турнирда Сергей Фомин асосий тўр баҳсларини муваффақиятли бошлади.

Теннисчимиз яккалик беллашувларининг илк даврасида грузиялик Александр Бакшига қарши кортга чиқди. Уч сет давом этган ушбу ўйинда Сергей 6:3, 6:7, 6:1 ҳисобида зафар қучди ва 1/8 финал босқичига йўлланмани қўлга киритди.

Энди мукофот жамғармаси 60 минг АҚШ долларини ташкил этувчи турнирнинг чорак финал йўлланмасини қўлга киритиш учун Сергей Фомин бошқа грузиялик ракетка устаси Саба Пуртселадзе билан куч синашади.