ММА. Шоҳасан Мирзаматов тез орада чемпионлик камари учун жанг ўтказади

Яримўрта вазн тоифасида Ўзбекистоннинг таниқли ММА жангчиси Шоҳасан Мирзаматов Instagram саҳифасига янги пост жойлади.

У 11 май куни Тошкентда бўлиб ўтган Octagon 72 турнири доирасида Қирғизистон вакили Абилкассим Якубов билан жанг қилиб, муддатидан олдин ғалабага эришганди. Шоҳасан ушбу ғалабасида уни қўллаб-қувватлар турган мухлисларга миннатдорлик билдириш баробарида эътиборга молик янгиликни ҳам эълон қилди.

«6 июль куни Ўзбекистонда чемпионлик камари учун жанг қиламан. Барча қўллаб-қувватлаб турганларга катта раҳмат», деб ёзган спортчи.