Месси дисквалификация қилинди

Камерунлик сузувчи Леоннель Месси Нгиши ўсмирлар ўртасидаги жаҳон чемпионатида 50 метрга чалқанча сузиш мусобақасидан дисквалификация қилинди. Турнир Руминияда бўлиб ўтмоқда.

14 ёшли спортчи дисквалификация туфайли мусобақанинг ярим финали йўлланмаси учун кураша олмади. У дастлабки баҳсда иштирок этди ва жарима олди.

Бу ҳақда World Aquatics нашри хабар берди.

Ўсмирлар ўртасидаги жаҳон чемпионати 24 август куни якунланади. Унда россиялик спортчилар нейтрал сифатида иштирок этишмоқда.