Дональд Трамп Шавкат Мирзиёевни G20 саммитига таклиф этди

Ўзбекистон президенти Шавкат Мирзиёев номига Америка Қўшма Штатлари президенти Дональд Трампдан мактуб келди, дея хабар қилди Президент матбуот хизмати.

Америка етакчиси ўз мактубида Ўзбекистон раҳбарининг 2026 йил февраль ойида бўлиб ўтган Тинчлик кенгашининг илк йиғилишидаги иштирокини юксак баҳолади.

Мактубда Шавкат Мирзиёев Ўзбекистонда улкан натижаларга эришаётгани таъкидланиб, мамлакатга ташриф билан келиш таклифи учун миннатдорлик билдирилган.

Ўз навбатида, президент Дональд Трамп давлат раҳбарини Тинчлик кенгашининг навбатдаги йиғилишига, шунингдек, Маямида ўтадиган G20 саммитига таклиф этди.

«Яратган Сизни ва Ўзбекистоннинг буюк халқини ёрлақасин», — дейилади мактубда.