Иброҳим Эргашев инвестициялар вазири ўринбосари бўлди

Президент қарори билан Иброҳим Кенжабаевич Эргашев инвестициялар, саноат ва савдо вазирининг ўринбосари лавозимига тайинланди, дея хабар бермоқда вазирлик матбуот хизмати.

Иброҳим Эргашев 1980 йилда туғилган, Тошкент давлат иқтисодиёт университетини тамомлаган.

У 2001−2012 йилларда «Ўзмарказимпекс» ташқи савдо компаниясида турли лавозимларда фаолият кўрсатган, 2013 йилда Ташқи иқтисодий алоқалар, инвестиция ва савдо вазири ўринбосари, 2014−2016 йилларда вазирнинг биринчи ўринбосари лавозимида ишлаган.

Эргашев 2016—2017 йилларда «Ўзэкспомарказ» миллий кўргазма мажмуасини бошқарган, 2017−2021 йилларда «Ўздавкарантин» инспекцияси бошлиғи лавозимида ишлаган.

Иброҳим Эргашев 2021 йилдан ушбу тайинловга қадар Қишлоқ хўжалиги вазирлиги ҳузуридаги Ўсимликлар карантини ва ҳимояси агентлиги директори лавозимида ишлаб келаётганди.