«WR Chess Masters». Нодирбек Абдусатторов таваккал қилди ва ютқазди

Германиянинг Дюсселдорф шаҳрида шахмат бўйича нуфузли «WR Chess Masters» турнирида ҳамюртимиз Нодирбек Абдусатторов бугун 5-тур доирасида германиялик Винсент Кеймерга қарши қора доналарда ўйнади.

Ҳамюртимиз баҳснинг дебют қисмини яхши ўтказди ва ташаббусни аста-секин ўз томонига оғдира бошлади. Аммо Адусатторов 23-юришда яхши йўлни кўрмади ва хатога йўл қўйди. Аммо бу пайтда вазият тенг эди. Ҳамюртимиз 26-юришда таваккалчилик қўл урди: у ўз руҳини қурбон бериб, фурсатдан ютиб кетмоқчи бўлди. Бироқ ўйлаган режаси иш бермади. Йўқотилган сипоҳ ўйинга ўз таъсирини кўрсатмай қолмади. Боз устига, 28-юришда Нодирбек яна бир хатога йўл қўйди.

Абдусатторов ҳеч бўлмаса дурангга эришиш учун ҳаракат қилиб кўрди. Лекин 52-юришга келиб таслим бўлишга қарор қилди.

Ушбу мағлубият туфайли ўзбекистонлик спортчи ўз очколарини 2 очко билан жадвалда 9-ўринга тушиб кетди. Абдусатторов эртага 6-тур доирасида ҳиндистон Гукешга қарши оқ доналарда ўйнайди.

Манба: stadion.uz