Прогнозлаштириш ва макроиқтисодий тадқиқотлар институти (ПМТИ) экспертлари Марказий Осиё мамлакатларида молиявий сектор ривожланиши ва иқтисодий ўсиш ўртасидаги боғлиқликни ўрганди. Тадқиқот давомида молиявий хизматлар таклифининг ортиши иқтисодий ўсишга олиб келадими ёки иқтисодий ўсиш молиявий хизматларга бўлган қўшимча талабни юзага келтириб, молиявий сектор ривожланишига сабаб бўладими, деган саволга жавоб берилди.
Фарғона вилоятида ёз фаслида нафақат мева ва сабзавотлар, балки полиз маҳсулотларининг экспорти ҳам айни авжига чиқади. Миришкор деҳқонларимиз томонидан етиштирилаётган сара қовунлар экспорти тун-кун давом этмоқда.
Нисбатан янги рақамли маркировкалаш тизими ўз самарасини бера бошлади. Аввало, акцизости товарларни сотишдан солиқ тушумлари ошди, бозор сезиларли даражада очиқланди, соғлом рақобат кучайди, шунингдек, экспорт ҳажмининг ўсгани кузатилмоқда.
Давлат статистика қўмитаси маълумотларига кўра, Ўзбекистон 2022 йилнинг январь-июнь ойларида хорижий давлатларга қиймати қарийб 5,8 млн. AҚШ долларига тенг бўлган 5,7 минг тонна ўрик экспорт қилган.
2022 йил июлда Ўзбекистон республика товар-хом ашё биржасининг очиқ биржа савдолари 184,6 минг тонна ғалла маҳсулоти сотилди. Ўтган даврда биржанинг буғдой бозорида барқарор ҳолат шаклланди.
2022 йилнинг январь-июнь ойлари давомида хорижий мамлакатларга умумий қиймати 449,4 миллион АҚШ долларига тенг бўлган 820,8 минг тонна мева-сабзавот маҳсулотлари экспорт қилинган. Бу эса 2021 йилнинг шу давридагига нисбатан 11,6 фоиз кўп демакдир.
✔️ Давлат раҳбари томонидан тасдиқланган 2022-2026 йилларга мўлжалланган Янги Ўзбекистоннинг тараққиёт стратегиясини “Инсон қадрини улуғлаш ва фаол маҳалла йили”да амалга оширишга оид Давлат дастури доирасида экология ва атроф муҳитни муҳофаза қилишга оид бир қатор устувор вазифалар белгиланган бўлиб, шулар жумласидан саноат корхоналаридан атмосферага ташламаларни камайтириш ва уларни тартибга солишга қаратилган вазифалар ҳисобланади. Ушбу вазифаларни тўлақонли бажариш мақсадида республикада бир қатор ишлар амалга оширилмоқда.
Май-июль ойларида қисқа муддатли ташқи шоклар таъсирини пасайиши ҳисобига макроиқтисодий ҳолатнинг нисбатан барқарорлашиши ҳамда тартибга солинадиган нархларни эркинлаштириш бўйича кутилмаларнинг ортда қолиши 2022 йил якунида инфляция даражасининг 12-14 фоизлик прогноз коридорининг медианисидан пастроқ, яъни қуйи чегарасига яқин шаклланиш эҳтимолларини оширмоқда. Бу ўз навбатида, инфляциянинг апрель ойидаги прогноз даражасидан қисқа муддатли омиллар таъсири ва кутилмалар бўйича қўшилган юкламани олиб ташлаш ва шунга мос равишда, пул-кредит шароитларини ҳам ўзгартириш имконини беради.
Ўзбекистон Республикаси Марказий банки ҳамда MASTERCARD EUROPE S.A. ўртасида ҳамкорлик тўғрисида англашув Меморандуми имзоланди.
2022 йил январь-июнь ойларида банклар орқали нақд пул айланмаси ҳажми 316,3 трлн. сўмни ташкил этгани ҳолда, 2021 йилнинг мос даврига нисбатан 36,4 фоизга ошди. Жумладан, банк кассаларига нақд пул тушумлари 152,3 трлн.
Марказий банк 1 июль ҳолатида Ўзбекистоннинг халқаро захиралари ҳолатини эълон қилди. Маълумотларга кўра, Ўзбекистоннинг халқаро захиралари ҳажми 35 миллиард 583,5 миллион АҚШ долларини ташкил қилмоқда.
Жаҳон тажрибаси шуни кўрсатадики, қулай шароитларда тўқимачилик саноатининг ривожланиши мамлакат ва унинг ҳудудлари иқтисодий ўсишининг муҳим нуқтасига айланиши мумкин. Бу борада Ўзбекистон муайян рақобат устунлиги ва салоҳиятга эга.
Прогнозлаштириш ва макроиқтисодий тадқиқотлар институти (ПМТИ) иқтисодий тараққиётни баҳолаш учун муқобил кўрсаткичлардан фойдаланди. Норасмий иқтисодиётнинг улуши юқори бўлган мамлакатларда расмий статистик манбалардан фойдаланиш янглиш хулосаларга олиб келиши мумкин.
Маҳалла мақомини ошириш, бизнес лойиҳаларини рўёбга чиқариш, ночор оилаларни қўллаб-қувватлашда ҳоким ёрдамчиларининг ўрни қандай? Республика ҳамда маҳаллий оммавий ахборот воситалари ходимлари иштирокида ташкиллаштирилган пресс турда мазкур саволларга жавоб изланди.
Энергетика вазирлиги тизимидаги “Иссиқлик электр станциялари” АЖ энергия тежайдиган технологияларни ва энергия сарфини иқтисод қилишни рағбатлантирувчи механизмларни кенг жорий этиш, муқобил энергия манбалари, хусусан, қуёш энергиясидан фойдаланишни кўпайтириш масаласига алоҳида эътибор қаратмоқда. Шунга кўра, “Иссиқлик электр станциялари” АЖ ва тизим корхоналари томонидан ўз эҳтиёжи учун сарфланаётган энергия истеъмоли ҳисоб-китоб қилиниб, соҳага замонавий технологиялар асосида муқобил энергия ускуналаридан кенг фойдаланишни йўлга қўйиш бўйича аниқ чора-тадбирлар режаси белгилаб олинди.
Буюк Британиянинг Лондон шаҳрида халқаро етакчи нашр – “Еuromoney” таҳририятининг “Euromoney Awards For Excellence” версияси бўйича дунёдаги энг илғор банкларни тақдирлаш маросими бўлиб ўтди. Унда Ўзсаноатқурилишбанк “2022 йилда Ўзбекистондаги энг илғор банк” номинацияси бўйича ғолиб деб топилди.
Ўзбекистон Республикаси Марказий банки 2022 йилнинг 15 июлидан бошлаб номинал қиймати 200 000 сўм бўлган банкнот кўринишидаги янги пул белгиларини муомалага чиқарилиши тўғрисида қарор қабул қилинганлигини маълум қилади. Мазкур банкнот мавзуси (тематикаси) “Буюк Ипак йўли” ҳамда мамлакатимиз ҳудудидаги Фарғона водийсининг қадимий тарихига бағишланган.
“Ўзбекистон Республикасининг Солиқ кодексига қўшимча ва ўзгартишлар киритиш тўғрисида”ги Қонун (ЎРҚ–783-сон, 12.07.2022 й.) Президент томонидан имзоланди. 🔰Киритилган қўшимчалар билан махсус иқтисодий зоналарнинг иштирокчиларига фойда солиғи бўйича имтиёз бериш муддатлари белгиланди.
2022 йилнинг 11 июль куни тушликдан кейин, ижтимоий тармоқларда айрим банкоматлардан нақд пул ечишда ечилаётган нақд пул миқдоридан келиб чиқиб 3 фоизгача комиссия тўловлари олинаётганлиги тўғрисида хабарлар тарқалди. Марказий банк ушбу ҳолат юзасидан қуйидагиларни маълум қилади:🔸Биринчи навбатда, байрам кунлари муносабати билан республика ҳудудидаги 9500 дан ортиқ банкоматларнинг узлуксиз ишлаши ва етарли миқдорда нақд пуллар билан таъминлаш чоралари кўрилган.
Прогнозлаштириш ва макроиқтисодий тадқиқотлар институти (ПМТИ) экспертлари Ўзбекистонда инфляцияга таъсир этувчи омиллар ва уларнинг динамикасини ўрганиб чиқди. Инфляция кўрсаткичини паст даражада ушлаб туриш макроиқтисодий барқарорликнинг муҳим омили бўлиб, у ўз навбатида, ижтимоий ривожланиш, инвестиция фаоллигини ошириш, мамлакат иқтисодиётини ривожлантиришга хизмат қилувчи таркибий ўзгаришларни давом эттириш учун зарур шарт-шароитларни яратади.
Жорий йилнинг 6 июль куни Брюссель шаҳрида Ўзбекистон Республикаси ва Европа Иттифоқи ўртасида Кенгайтирилган шериклик ва ҳамкорлик тўғрисидаги битимни (КШҲТБ) имзолаш маросими бўлиб ўтди. Янги битим Ўзбекистон ва ЕИ ўртасидаги 1996 йилда имзоланган амалдаги шериклик ва ҳамкорлик тўғрисидаги битим ўрнига ишлаб чиқилгани ҳамда икки томонлама ҳамкорликни сифат жиҳатидан янги босқичга олиб чиқиши кўзда тутилган.
Энергия ресурслари бозорини ислоҳ қилиш бўйича ҳужжат муҳокамасидан сўнг Вазирлар Маҳкамасининг қуйидаги қарори қабул қилинди. Унга кўра, 2022 йил 15 июлдан бошлаб: 1️⃣ Биринчидан, аҳоли учун электр энергияси (295 сўм) ва табиий газ (380 сўм) нархи ошмайди, «ижтимоий норма» ҳам ҳозирча жорий этилмайди.
2022 йил 30 июнь куни Сирдарё иссиқлик электр станцияси ва Жиззах вилоятида янги қурилаётган рақамли “Зафаробод” подстанциясини боғловчи 220 кВ кучланишли электр узатиш тармоғини қуриш бўйича шартнома имзоланди. Президентимизнинг 2021 йил 30 декабрдаги ПҚ-72-сон қарорига асосан Энергетика вазирлиги тизимидаги “Ўзбекистон миллий электр тармоқлари” АЖ томонидан Осиё тараққиёт банки иштирокида “2х144 км узунликдаги “Сирдарё” ИЭСдан “Зафаробод” подстанциясигача 220 кВли электр узатиш тармоғини қуриш” инвестиция лойиҳаси амалга оширилмоқда.
“UzAuto Motors” компанияси Ўзбекистон Республикаси Президенти топшириғини бажариб, 2022 йилнинг биринчи ярим йиллигида 160 000 дона автомобиль ишлаб чиқарди. Компания ўз фаолиятини бошлаганидан буён, биринчи марта биринчи ярим йилликда заводда 160 000 дона автомобиль ишлаб чиқарилди.
Асосий тезислари: Хусусийлаштиришнинг ҳозирги босқичи аввалгисидан фарқи шундаки, Ўзбекистон ҳукумати давлатнинг иқтисодиётдаги ўрнини мақсадли равишда қисқартирмоқда. 2021 йилда хусусийлаштириш кўлами 2020 йилга нисбатан 8 ва ўтган тўрт йилга нисбатан 3 баравар кўплиги ҳукуматнинг қатъиятидан далолат беради.
Эндиликда, Ўзбекистон Республикаси фуқароларидан ёшга доир, ногиронлик ва боқувчисини йўқотганлик пенсияларини тайинлаш жараёнида оила таркиби тўғрисидаги маълумотлар талаб этилмайди. Молия вазирлиги ҳузуридаги бюджетдан ташқари Пенсия жамғармаси томонидан фуқароларга кўрсатилаётган хизматлар сифатини янада ошириш, шунингдек давлат пенсияларини тайинлашда фуқаролардан талаб этиладиган ҳужжатларни босқичма-босқич қисқартириш мақсадида Адлия вазирлиги ва Пенсия жамғармаси маълумотлар базалари ўртасида ахборот алмашинуви йўлга қўйилди.
Мамлакатимизда озиқ-овқат маҳсулотлари нархларининг барқарорлигини таъминлаш, деҳқонларнинг бозорларга ҳеч қандай тўсиқларсиз кириб келиши учун тизимли ишлар йўлга қўйилган.Бу борада Давлатимиз раҳбари Бош прокуратура ҳузуридаги Департаменти органларига бозорларда ижтимоий муҳим турдаги озиқ-овқат маҳсулотлари танқислигининг олдини олиш ва нархининг асоссиз ошишига йўл қўймаслик чораларини кўриш вазифаларини берган. Хўш, белгиланган вазифалар ижроси қандай амалга оширилмоқда?
Қишлоқ хўжалигида билим ва инновациялар миллий маркази Жанубий Кореянинг KOPIA ташкилоти билан ҳамкорликда 2019-2023 йилларга мўлжалланган “Ўзбекистонда соғин сигирларни боқиш, селекция ишларини жадаллаштириш ва сут маҳсулдорлигини ошириш”, “Намунали чорвадор қишлоқлар”, “Шоли етиштиришда механизациядан фойдаланган ҳолда органик деҳқончиликни ривожлантириш” ҳамда “Қишлоқ хўжалиги билим ва инновацияларини тарқатиш илмий-амалий хизматлар марказини ташкил этиш” техник ёрдам лойиҳаларини Ўзбекистонда амалга ошириб келмоқда. Лойиҳалар доирасида эришилган натижаларни баҳолаш ва уларни кенг оммага таништириш мақсадида жорий йилнинг 28 — июнь куни Қишлоқ хўжалигида билим ва инновациялар миллий марказида “Ўзбекистон – KOPIA ҳамкорлик лойиҳалари” мавзусида форум бўлиб ўтди Унда Миллий марказ тизимидаги барча илмий-тадқиқот институтлари ва ҳудудий агрохизматлар марказлари (AKIS)дан вакиллар иштирок этди.
Рақамли маркировкалаш – бу Ўзбекистонда 2021-йилда пайдо бўлган янги атама бўлиб, у алкоголь ва тамаки бозори вакиллари ўртасида қизғин муҳокамаларга сабаб бўлди. Вазирлар Маҳкамасининг 2021-йил 1-январдаги 737-сон қарорига мувофиқ, янги маркировкалаш ва кузатув тизимини жорий этиш бутун сегмент учун мажбурий бўлди.
Давлат статистика қўмитаси маълумотларига кўра, 2022 йилнинг январь-май ойларида Ўзбекистон импортида юқори улушга эга бўлган ҳамкор давлатлар номи маълум бўлди. Унга кўра, Хитой бу рўйхатда биринчи ўринни эгаллаши маълум бўлди: — Хитой – 2,7 млрд АҚШ доллари;— Россия – 2,3 млрд;— Қозоғистон – 1,3 млрд;— Корея – 1,1 млрд;— Туркия – 698,5 млн;— Германия – 465 млн;— Туркманистон – 260 млн;— Ҳиндистон – 249 млн;— АҚШ – 192 млн;— Бразилия – 170 млн.