Номзодлар турнири — 2024. Ян Непомняший 6-турда дуранг қайд этди

10 апрель куни Торонто шаҳрида шахмат бўйича номзодлар турнирида 6-тур ўйинлари бўлиб ўтди.

Россиялик Ян Непомняший оқ доналар билан америкалик Фабиано Каруана билан дуранг ўйнади. Қолган ўйинларда қуйидаги натижалар қайд этилди:

6-тур

Гукеш Доммаражу (Ҳиндистон) – Ҳикару Накамура (АҚШ) – 0,5:0,5

Ян Непомняший (Россия) – Фабиано Каруана (АҚШ) – 0,5:0,5

Сантош Видит (Ҳиндистон) – Алириза Фирузжа (Франция) – 1:0

Рамешбабу Прагнанандҳа (Ҳиндистон) – Нижат Абасов (Озарбайжон) – 1:0

Турнир жадвалида Ян Непомняший ва Гукеш 4 очко тўплаб етакчилик қилмоқда. Каруана, Прагнанандҳада 3,5 очко, Видит, Накамура 3 очко тўплаган.

Ушбу турнирда ижобий натижа қайд этаётган Ян Непомняший онлайн рейтингда жаҳонда 4-ўринга кўтарилиб, Нодирбек Абдусатторовни ортда қолдирмоқда.

Ҳамюртимиз Нодирбек Абдусатторов ушбу турнирда иштирок этиш ҳуқуқини қўлга кирита олмаган.

Эслатиб ўтамиз, онлайн рейтинг ҳеч қандай расмий ифода касб этмайди. Расмий FIDE рейтинги ҳар ойнинг сўнггида янгиланади.