[ sport ] 10 Iyun 2024
Бокс. Мэнни Пакьяо қайтмоқда! Унинг рақиби RIZIN чемпиони!
28 июль куни Саитама шаҳри (Япония)да Super RIZIN 3 турнири доирасида бокс қоидалари бўйича уч раундлик жанг бўлиб ўтади. Унинг формати уч дақиқадан иборат бўлади.
Унда филиппинлик собиқ жаҳон чемпиони Мэнни Пакьяо мезбонлар вакили — Сузукига қарши рингга чиқади.
Маълумот учун, 45 ёшли Пакьяо профессионал боксда 62 ғалаба (39 та нокаут), 8 та мағлубият (3 та нокаут) ва иккита дуранг қайд этган. 25 ёшли Сузуки эса аралаш яккакурашларда 13 ғалабага эга, 3 бор мағлубият аламини тотиб кўрган ва жангларидан бири ҳақиқий эмас деб топилган.
Манба: Ўзбекистон профессионал бокс федерацияси матбуот хизмати