Исроил Мадримов Кроуфордга қарши жанг олдидан допинг тест топширди

Супер яримўрта вазн тоифаси WBA йўналишида жаҳон чемпиони Исроил Мадримов илк ҳимоя жангига тайёргарликни давом эттирмоқда.

У 3 август куни АҚШ вакили Теренс Кроуфордга қарши рингга кўтарилади.

Айни пайтда АҚШда бўлиб турган Мадримов ушбу жанг олдидан допинг учун таҳлил топширмоқда. Бу ҳақда у ўзининг X'даги (Twitter) саҳифаси орқали маълум қилди.

«3 август куни бўладиган жанг учун WADA тест марказига тўртинчи бор ташриф буюрдим», деб ёзган Мадримов.

Манба: Ўзбекистон профессионал бокс федерацияси матбуот хизмати