Гандбол. Вакилларимиз Жаҳон чемпионатидаги иштирокларини бошлашди

Шимолий Македониянинг Скопье шаҳрида гандбол бўйича 20 ёшгача бўлган қизлар ўртасида XXIV Жаҳон чемпионати старт олди.

Мундиалда Ўзбекистон U — 20 қизлар терма жамоаси ҳам иштирок этмоқда.

Гандболчи қизларимиз G гуруҳи доирасидаги илк беллашувда Черногория термасига қарши майдонга чиқди. Баҳс 48:32 ҳисобида черногориялик қизлар фойдасига якунланди. Гуруҳнинг иккинчи ўйинида эса Португалия Гвинеяни 32:18 ҳисобида мағлубиятга учратди.