Яна бир ҳамюртимиз олимпиадага йўлланмани қўлга киритди

Жаҳон чемпиони Турсуной Жабборова ҳам Париж — 2024 лицензиатлари қаторида.

Халқаро оғир атлетика федерацияси (IWF) Париж — 2024 ёзги Олимпия ўйинларига йўлланма қўлга киритган спортчилар тақсимотини қайта шакллантирди.

Қувонарлиси, унда Ўзбекистон терма жамоаси аъзоси Турсуной Жабборова индивидуал квота соҳибасига айланиб, лицензиатлар қаторига қўшилди. Ҳамюртимиз бўлажак Олимпиадада +81 кг вазн тоифасида иштирок этади.