Расман: 48 соат ичида камерага тушган қоидабузарлик ҳақида ваколатли шахсга хабар берилмаса жарима бекор бўлади
Эндиликда қоидабузарлик бўйича ҳуқуқбузарлик учун жарима икки янги сабабга кўра тугатилиши мумкин.
Кодексда киритилган ўзгартиришларга мувофиқ, Ўзбекистон Маъмурий жавобгарлик тўғрисидаги кодекснинг 271-моддасига биноан, маъмурий ҳуқуқбузарлик тўғрисидаги иш қўзғатилиши мумкин эмас ва бошланган иш қуйидаги ҳолларда тугатилиши мумкин:
• фото ва видео қайд этишнинг махсус автоматлаштирилган техник воситаларида қайд этилган йўл ҳаракати қоидаларини бузганлик ҳолатларида транспорт воситасининг эгаси тўғрисида маълумотлар бўлмаса;
• махсус автоматлаштирилган фото- ва видео қайд этиш техника воситалари орқали қайд этилган йўл ҳаракати қоидалари бузилиши тўғрисидаги маълумот жарима солиш ҳақида қарор чиқаришга ваколатли бўлган шахсга 48 соат ичида юборилмаган тақдирда.