Ўзбекистоннинг янги тайинланган элчиси Жанубий Корея президентига ишонч ёрлиқларини топширди

Жанубий Корея президенти Юн Сок Ёл янги элчи Алишер Абдусаломовни қабул қилди.

Ўзбекистоннинг Фавқулодда ва Мухтор Элчиси Алишер Абдусаломов Жанубий Корея президенти Юн Сок Ёлга ишонч ёрлиқларини топширди, деб хабар бермоқда «Дунё» АА.

Жанубий Корея президенти Ўзбекистон элчисига ўзаро муносабатларни мустаҳкамлаш йўлидаги масъулиятли фаолиятига муваффақият тилади.

Эслатиб ўтамиз, жорий йилнинг 29 август куни Ўзбекистоннинг Жанубий Кореядаги элчихонасига янги Элчи тайинлангани ҳақида хабар берган эдик.