"Ҳақиқат барибир юзага чиқди" — Комил Алламжонов

Президент маъмуриятининг собиқ ходими суиқасд билан боғлиқ иш бўйича судланувчига чиқарилган ҳукм эълон қилингач, ўз фикрини билдирди.

«Ўтган 5 ой ичида ўзимдан ўтгани фақат ўзимга, оиламга, энг яқинларимга аён.Ҳақиқат эгилганда эгилиб, букилгандаям икки букилиб барибир синмади, у барибир юзага чиқди. Юзага чиқади ҳам,» — деб ёзди Комил Алламжонов ўзининг Telegram'даги каналида.

«Бандасидан қочганлар яратгандан қочолмайди. Хали олдинда қиладиган ишлар, яна кўп синовли кунлар бор. Илоҳим буларнинг ҳаммасидан ёруғ юз билан ўтиш насиб қилсин! Аллоҳ барчамизга омад берсин!» - дея хулоса қилди у.

Эслатиб ўтамиз, ўтган йилнинг 26 октябрь куни номаълум шахслар Президент Администрациясининг собиқ ходими Комил Алламжонов ўтирган Range Rover автомашинасига қарата бир неча бор ўқ узган эди.

Жорий йилнинг 12 февраль куни Ҳарбий суд мазкур иш бўйича 10 нафар маҳкумга нисбатан ҳукм чиқарди. Улар 7 йилдан 23 йилгача қамоқ жазосига ҳукм қилинди.